چین نے خلا میں پھنسے ہوئے تین خلا بازوں کی واپسی کے لیے ہنگامی مشن روانہ کیا

بیجنگ: چین نے اپنے تین خلا بازوں ژانگ لو، وو فے اور ژانگ ہونگ ژانگ کو واپس لانے کے لیے بغیر عملے والا مشن شینزو-22 خلا میں بھیجا، جو مدار میں پہنچنے کے بعد تیانگونگ خلائی اسٹیشن سے کامیابی کے ساتھ جڑ گیا۔

سرکاری نشریاتی ادارے کے مطابق، لانگ مارچ-2 ایف راکٹ نے منگل کو جیوچوان سیٹلائٹ لانچ سینٹر سے پرواز بھری اور دوپہر تین بجے اسٹیشن سے کامیابی سے جڑ گیا۔

ابتدائی منصوبے کے مطابق شینزو-22 کو 2026 میں انسانی مشن کے طور پر لانچ کرنا تھا، لیکن موجودہ ہنگامی صورتحال میں اسے بغیر عملے کے متبادل جہاز کے طور پر استعمال کیا گیا۔

تیانگونگ اسٹیشن پر موجود خلا باز معمول کے مطابق سرگرمیوں میں مصروف ہیں، تاہم زمین پر واپس آنے والی گاڑی میں نقص کی وجہ سے وہ واپس نہیں آ پا رہے تھے۔ اپریل میں یہ تینوں خلا باز چھ ماہ کے مشن پر گئے تھے اور شینزو-21 کے ذریعے واپس آئے تھے، جس کے بعد اسٹیشن پر موجود دوسرے عملے کو واپس آنا تھا، لیکن ہنگامی صورتحال کی وجہ سے یہ ممکن نہیں ہو سکا۔

چینی میڈیا کے مطابق شینزو-22 کی کامیاب جڑت کے بعد اب خلا بازوں کی محفوظ واپسی ممکن ہے۔