یمنٰی زیدی: شوبز کی مقبول اداکارہ کی کامیابیوں کا سفر

کراچی: پاکستانی شوبز انڈسٹری کی معروف اداکارہ یمنٰی زیدی اپنی شاندار اداکاری اور متنوع کرداروں کے باعث بے حد مقبول ہیں۔ وہ ٹی وی اور فلم دونوں میں اپنی صلاحیتوں کا لوہا منوا چکی ہیں۔

یمنٰی زیدی کے مشہور ڈراموں میں بختاور، پری زاد، پیار کے صدقے، رازِ الفت، تیرے بن، گزارش، تھکن، ذرا یاد کر، عشقِ لا اور یہ رہا دل شامل ہیں۔ حال ہی میں انہیں ڈرامہ جینٹل مین اور قرضِ جاں میں بھی خوب سراہا گیا۔

اداکارہ نے فلم نایاب پر لکس اسٹائل ایوارڈ جیت کر اپنی صلاحیتوں کو مزید تسلیم کروایا۔ وہ جلد ہی ایک رمضان اسپیشل ڈرامے میں بھی نظر آئیں گی۔

کراچی میں منعقدہ 24 ویں لکس اسٹائل ایوارڈز میں یمنٰی زیدی نے ڈیزائنر شہلا چتور کا تیار کردہ تھری پیس لباس زیب تن کیا، جو تقریب کی خوبصورتی میں اضافے کا باعث بنا۔