سٹاک مارکیٹ میں مثبت رجحان، ایک لاکھ 83 ہزار پوائنٹس کی حد بحال

کراچی: پاکستان سٹاک مارکیٹ میں کاروباری ہفتے کے چوتھے روز تیزی دیکھنے میں آئی اور ہنڈرڈ انڈیکس ایک لاکھ 83 ہزار 717 پوائنٹس کی سطح پر پہنچ گیا۔

کاروبار کے آغاز کے ساتھ ہی مارکیٹ میں 1,000 سے زائد پوائنٹس کا اضافہ ہوا۔ واضح رہے کہ گزشتہ کاروباری دن کے اختتام پر ہنڈرڈ انڈیکس ایک لاکھ 82 ہزار 569 پوائنٹس پر بند ہوا تھا، جس کے بعد آج کی تیزی سے ایک بار پھر 183 ہزار پوائنٹس کی حد بحال ہو گئی ہے۔