رجب بٹ کی والدہ کا شراب نوشی کے الزام پر وضاحت

پاکستانی اداکار رجب بٹ کے بارے میں کچھ روز قبل سوشل میڈیا پر ایک وائرل ہونے والی چیٹ نے ان کے شراب نوشی کے الزام کو جنم دیا تھا۔ اس چیٹ میں رجب بٹ اپنے دوستوں کے ساتھ نشے کی حالت میں بات کرتے ہوئے نامناسب زبان استعمال کرتے سنے گئے تھے، جس کے بعد سوشل میڈیا پر شدید تنقید کا سامنا کرنا پڑا۔
اب رجب بٹ کی والدہ نے اپنے بیٹے پر لگے شراب نوشی کے الزام کی وضاحت پیش کی ہے۔ انہوں نے کہا کہ ان کا بیٹا "نشے میں نہیں تھا” بلکہ وہ دوا کے اثر میں تھا۔ والدہ کے مطابق، رجب بٹ سردیوں میں اکثر سائنس، گلے کی خرابی اور نزلے کا شکار رہتے ہیں اور ان تکالیف کے علاج کے لیے وہ ایسی دوائیں لیتے ہیں جو غنودگی یا سستی کا باعث بنتی ہیں۔
رجب بٹ کی والدہ نے یہ بھی وضاحت دی کہ جب وہ اپنے بیٹے کے ساتھ ہوتی ہیں تو قدرتی علاج مثلاً گرم پانی اور ہربل چائے استعمال کرتی ہیں، لیکن چونکہ وہ اس وقت بیرونِ ملک ہیں، اس لیے رجب بٹ کو دوا پر انحصار کرنا پڑا۔
انہوں نے مزید کہا کہ ان کا بیٹا حسینی ہے، یزیدی نہیں، اور شراب ان کے مذہب اور ثقافت میں حرام ہے۔ والدہ کا یہ بھی کہنا تھا کہ چونکہ رجب بٹ جس ملک میں ہیں، وہاں شراب پینا معمول کی بات ہے، اس لیے لوگ اس بنیاد پر قیاس آرائیاں کر رہے ہیں۔
یہ وضاحت رجب بٹ کے بارے میں سوشل میڈیا پر چل رہی افواہوں اور تنقید کے حوالے سے ایک اہم ردعمل ہے، جس سے وہ اپنے بیٹے کے کردار کی صفائی پیش کرنے کی کوشش کر رہی ہیں۔