اداکار منیب بٹ کا قربانی کا اونٹ بھاگ گیا، وائرل ویڈیو اور مداحوں سے اپیل
عیدالاضحیٰ کے قریب گلی محلوں میں قربانی کے جانوروں کی رونقیں بڑھ گئی ہیں، لیکن اس خوشیوں کے ماحول میں اداکار منیب بٹ کے ساتھ ایک انوکھا واقعہ پیش آیا جس نے سوشل میڈیا کو ہلا کر رکھ دیا۔
منیب بٹ نے قربانی کے لیے ایک خوبصورت اور سجی سنوری اونٹ خریدا تھا، جو ابتدائی طور پر محلے کی توجہ کا مرکز بنا۔ تاہم محلے کے کچھ بچے اونٹ پر پتھر پھینکنے لگے، جس سے اونٹ خوفزدہ ہو کر رسی توڑ کر بھاگ گیا۔
اس واقعے کی ویڈیو جلد ہی انسٹاگرام پر وائرل ہو گئی، جس میں دکھایا گیا کہ اونٹ خراماں خراماں گلیوں میں چل رہا ہے اور لوگ گھبرا کر راستہ چھوڑ رہے ہیں۔ اداکارہ منال خان نے بھی یہ ویڈیو اپنی اسٹوری پر شیئر کرتے ہوئے منیب بٹ اور ایمن خان کو ٹیگ کیا اور مذاق میں لکھا، "آپ کا اونٹ وائرل ہوگیا ہے!”
منیب بٹ نے اس واقعے کی تصدیق کی اور انسٹاگرام پر کہا کہ سی سی ٹی وی فوٹیج سے معلوم ہوا کہ کچھ بچے اونٹ پر پتھر مار رہے تھے، جس کی وجہ سے وہ بھاگ گیا۔
انہوں نے والدین سے خاص اپیل کی ہے کہ وہ اپنے بچوں کو قربانی کے جانوروں سے حسن سلوک کرنے کی تعلیم دیں۔ منیب بٹ کا کہنا تھا، "یہ جانور پہلے ہی نئے اور اجنبی ماحول میں ہوتے ہیں، ان کے ساتھ ظلم نہ کیا جائے۔”
یہ واقعہ نہ صرف عید کی خوشیوں میں ایک دلچسپ موڑ ثابت ہوا بلکہ جانوروں کے حقوق اور ان کے تحفظ پر بھی اہم پیغام دے گیا ہے۔
