ناسا کی جیمز ویب اسپیس ٹیلی اسکوپ نے لیموں کی شکل کا سیارہ دریافت کر لیا
ماہرینِ فلکیات نے ناسا کی جیمز ویب اسپیس ٹیلی اسکوپ کی مدد سے ایک انوکھا سیارہ دریافت کیا ہے، جو لیموں کی شکل کا ہے۔ اس دریافت نے فلکیات کی دنیا میں ہلچل مچا دی ہے، کیونکہ یہ سیارہ ستاروں اور سیاروں کے درمیان فرق کو دھندلا کر سکتا ہے۔
یہ انوکھا سیارہ، جس کا نام PSR J2322-2650b رکھا گیا ہے، یونیورسٹی آف شیکاگو کے سائنس دانوں کی ایک تحقیق میں دریافت ہوا اور اس کی تفصیلات رواں ہفتے دی آسٹروفزیکل جرنل لیٹرز میں شائع کی گئی ہیں۔ اس سیارے کا مرکزی ستارہ ایک پلسر ہے، یعنی ایک تیز رفتار نیوٹرون ستارہ جس کی کششِ ثقل اتنی شدید ہے کہ سیارے کی شکل بیضوی ہوگئی ہے، جیسے لیموں کی۔
سیارہ اپنے مرکزی ستارے سے صرف 10 لاکھ میل کے فاصلے پر گھوم رہا ہے، جو زمین اور سورج کے درمیان فاصلے سے تقریباً 100 گُنا کم ہے۔ اس کا ایک سال صرف 7.8 گھنٹے کا ہے، یعنی یہ بہت تیز رفتار سے اپنے مدار میں چکر لگاتا ہے۔
اس عجیب و غریب سیارے کی ایٹماسفیئر میں ہیلیئم اور کاربن بھاری مقدار میں پائی جاتی ہے، اور یہاں بہت تیز ہوائیں چل رہی ہیں، جو اس کی منفرد خصوصیات کو مزید واضح کرتی ہیں۔
اس دریافت سے فلکیات کے ماہرین کو یہ سمجھنے میں مدد ملے گی کہ پلسر سیاروں کے مدار میں کیسے اثرات مرتب ہوتے ہیں، اور یہ سیارے کس طرح اپنی غیر معمولی خصوصیات رکھتے ہیں۔
