شرجیل میمن کا بھارتی فلم ‘دھریندر’ پر تنقیدی ردعمل، ‘میرا لیاری’ کے ذریعے حقیقی تصویر دکھانے کا اعلان

کراچی (ویب ڈیسک): سینئر وزیر سندھ حکومت شرجیل انعام میمن نے کہا ہے کہ بھارتی فلم ‘دھریندر’ پاکستان، خاص طور پر لیاری کے خلاف منفی پروپیگنڈے کی ایک اور مثال ہے۔

سماجی رابطے کی ویب سائٹ ایکس پر جاری اپنے بیان میں انہوں نے کہا کہ لیاری تشدد نہیں بلکہ ثقافت، امن، صلاحیت اور حوصلے کی علامت ہے۔

شرجیل میمن نے مزید کہا کہ اگلے مہینے ریلیز ہونے والی فلم ‘میرا لیاری’ لیاری کا حقیقی چہرہ دکھائے گی، اور فلم میں امن، خوش حالی اور فخر کی جھلک نظر آئے گی۔

ان کے مطابق یہ فلم عوام کے سامنے لیاری کی مثبت پہلوؤں کو اجاگر کرے گی اور علاقے کے بارے میں منفی تاثر بدلنے میں مددگار ثابت ہوگی۔