“میری کوئی ضرورت نہیں، شادی کسی ضرورت کے لیے نہیں کروں گا” — اذان سمیع خان
کراچی (شوبز ڈیسک): معروف اداکار و گلوکار اذان سمیع خان نے کہا ہے کہ ان کی کوئی ذاتی ضرورت نہیں، اور وہ کسی ضرورت کو پورا کرنے کے لیے شادی نہیں کریں گے۔
ایک حالیہ پوڈکاسٹ انٹرویو میں گفتگو کرتے ہوئے اذان سمیع خان نے اپنی ذاتی زندگی، محبت اور شادی کے حوالے سے کھل کر بات کی۔
گلوکار کا کہنا تھا کہ وہ اس وقت سنگل ہیں اور کسی کی تلاش میں نہیں۔ انہوں نے بتایا کہ وہ پہلے شادی کرچکے ہیں اور چھ سال تک ازدواجی رشتے میں رہے، لیکن اب دوبارہ شادی کا کوئی ارادہ نہیں۔
مزاحیہ انداز میں انہوں نے کہا:
“میری کوئی ضرورت نہیں، اور نہ ہی میں کسی ضرورت کو پورا کرنے کے چکر میں ہوں۔”
اذان نے کہا کہ اب وہ بچے نہیں رہے، اس لیے محبت کا تصور بھی پہلے جیسا نہیں رہا، اور اس وقت ان کی توجہ صرف کیریئر پر فوکس کرنے پر ہے۔
انہوں نے یہ بھی کہا کہ شادی کے بعد وقت اور توجہ بانٹنا مشکل ہو جاتا ہے، اس لیے وہ فی الحال کسی رشتے میں نہیں پڑنا چاہتے۔
اذان سمیع خان کے مطابق:
“اگر کبھی شادی کی تو صرف کسی سچی اور مخلص خاتون سے ہی کروں گا۔ بعض ضرورتوں کو پورا کرنے میں انسان کی توانائی ضائع ہو جاتی ہے، اور فی الحال میرے پاس اتنی توانائی نہیں کہ کسی رشتے میں خود کو الجھاؤں۔”
