فیصل کپاڈیا نے اپنی ذاتی زندگی کا دلچسپ انکشاف کیا

ویب ڈیسک – پاکستان کے معروف گلوکار، نغمہ نگار اور بینڈ اسٹرنگز کے بانی و مرکزی گلوکار فیصل کپاڈیا نے اپنی ذاتی زندگی سے متعلق ایک دلچسپ انکشاف کیا ہے۔
دبئی میں سٹی 1016 کو دیے گئے ایک انٹرویو میں فیصل کپاڈیا نے بتایا کہ بھارتی اداکارہ ڈمپل کپاڈیا ان کی بھتیجی ہیں۔ انہوں نے بتایا کہ ڈمپل کے والد، مرحوم چنی بھائی کپاڈیا ان کے کزن تھے، جو 1984 میں ایک کزن کی شادی کے موقع پر پاکستان آئے تھے۔ فیصل کپاڈیا نے اس شادی میں گانا بھی گایا تھا اور چنی بھائی نے ان سے وعدہ کیا کہ ایک دن وہ انہیں بالی ووڈ لے جائیں گے، لیکن بدقسمتی سے وہ اس سے پہلے انتقال کر گئے۔
فیصل کپاڈیا نے مزید کہا کہ اگرچہ ان کے کزن اپنا وعدہ پورا نہیں کر سکے، قسمت نے بالآخر انہیں بالی ووڈ تک پہنچا دیا، جہاں انہوں نے مشہور گانے “یہ میری ہے کہانی” اور “اسپائیڈر مین” گا کر اس خواہش کو حقیقت میں بدلا۔