ہارون شاہد کا دلچسپ انکشاف: نکاح مکمل ہونے میں دو گھنٹے لگ گئے

کراچی: پاکستانی شوبز انڈسٹری کے معروف اداکار ہارون شاہد نے حال ہی میں ایک نجی ٹی وی پروگرام میں اپنے نکاح کے موقع پر پیش آنے والے دلچسپ واقعے کا انکشاف کیا۔

اداکار نے بتایا کہ ان کے نکاح کی تقریب مکمل ہونے میں تقریباً دو گھنٹے لگ گئے، جو ان کے لیے ناقابل فراموش لمحے ثابت ہوئے کیونکہ اس دوران ثقافتی اختلافات سامنے آئے۔

ہارون شاہد کے مطابق، ان کے سسرال والے پشتو بولنے والے ہیں، جبکہ وہ خود پنجابی پس منظر سے تعلق رکھتے ہیں، جس کی وجہ سے کچھ اختلافات پیدا ہوئے۔ انہوں نے وضاحت کی کہ نکاح کے دوران حق مہر کے حوالے سے غلط فہمی ہوئی، کیونکہ انہوں نے نکاح نامے میں وہی حق مہر درج کیا جو عام طور پر پنجابی خاندانوں میں ہوتا ہے، لیکن سسرال والوں نے اس پر اختلاف کیا۔

اداکار نے کہا کہ اس دن یہ صورتحال مشکل لگی، مگر آج وہ اس واقعے کو یاد کرکے ہنستے ہیں اور اسے ایک دلچسپ یاد کے طور پر یاد رکھتے ہیں۔