امیتابھ بچن کو 4 کروڑ کی گاڑی تحفے میں دی، ماں سے تھپڑ کھایا” — ودھو ونود چوپڑا کا انکشاف
ممبئی: بالی ووڈ کے سینئر ہدایتکار ودھو ونود چوپڑا نے انکشاف کیا ہے کہ فلم "ایکلویہ: دی رائل گارڈ” کے بعد انہوں نے سپر اسٹار امیتابھ بچن کو 4 کروڑ روپے مالیت کی گاڑی تحفے میں دی — اور اس پر انہیں اپنی والدہ سے تھپڑ کھانا پڑا!
ایک حالیہ انٹرویو میں ودھو ونود چوپڑا نے کہا کہ:
"میں امیت جی سے فلم میں شرکت کے لیے کہہ رہا تھا مگر بجٹ محدود تھا۔ میں نے ان سے درخواست کی کہ وہ اپنے قیام اور دیگر اخراجات خود برداشت کریں — اور حیرت انگیز طور پر وہ مان گئے۔”
"جیا بچن نے کہا تھا امیت جی ایک ہفتہ بھی نہیں نکالیں گے”
ہدایتکار نے بتایا کہ جیا بچن نے شوٹنگ سے پہلے کہا تھا کہ:
"امیت تم ونود کو ایک ہفتہ بھی برداشت نہیں کر پاؤ گے۔”
اسی بات کا ذکر امیتابھ بچن نے خود اپنے پروگرام کون بنے گا کروڑ پتی (KBC) میں کیا تھا۔
لڑائیاں بھی ہوئیں، لیکن فلم مکمل کی
ودھو ونود چوپڑا کا کہنا ہے کہ شوٹنگ کے ابتدائی دنوں میں ان کی اور امیتابھ بچن کی تلخیاں ہوئیں، لیکن دونوں نے بردباری اور پیشہ ورانہ رویے کا مظاہرہ کرتے ہوئے فلم کو مکمل کیا۔
تحفہ، تھپڑ اور ماں کا ردعمل
فلم مکمل ہونے کے بعد، شکرگزاری کے طور پر، ونود نے امیتابھ بچن کو 4 کروڑ روپے کی مہنگی گاڑی تحفے میں دی۔ لیکن ان کا کہنا ہے:
"میری ماں نے خود جا کر بگ بی کو چابیاں دیں۔ جب میں نے بتایا کہ گاڑی 4.5 کروڑ کی ہے، تو انہوں نے مجھے تھپڑ مارا اور کہا: ’تو پاگل ہے؟ یہ گاڑی خود رکھ لیتا!’”
"پیسہ کیا چیز ہے اگر خوشی نہ دے؟”
اپنی بات سمیٹتے ہوئے ودھو ونود چوپڑا نے کہا:
"مجھے اس پر کوئی افسوس نہیں، بلکہ خوشی ہے۔ اگر پیسہ آپ کو خوشی نہ دے سکے، تو پھر اس کی کیا اہمیت ہے؟”
