انسٹاگرام نے انفلوئنسرز کے لیے نیا ان باکس منیجمنٹ ٹول متعارف کرانے کا اعلان کر دیا ہے۔

رپورٹس کے مطابق، یہ جدید ٹولز ملٹی سلیکٹ فلٹرز پر مشتمل ہوں گے جو صارفین کو تیزی سے پیغامات چھانٹنے اور اہم پیغامات کا جواب دینے میں مدد فراہم کریں گے۔

انسٹاگرام نے کسٹم شارٹ کٹ بنانے کا فیچر بھی شامل کیا ہے، جس سے انفلوئنسرز اپنی ترجیحات کے مطابق پیغامات کے فولڈرز بنا سکیں گے۔ یہ فولڈرز پیغام کی اقسام کی بنیاد پر ترتیب دیے جا سکیں گے، جس سے منظم رابطہ کاری ممکن ہوگی۔

میٹا کے زیرِ انتظام اس فیچر کا مقصد تخلیق کاروں کو مزید آزادی دینا اور ان کے تخلیقی عمل کو سہل بنانا ہے۔

کمپنی کا کہنا ہے کہ یہ ٹولز صرف اُن صارفین کے لیے دستیاب ہوں گے جن کے فالوورز کی تعداد ایک لاکھ یا اس سے زائد ہو۔

یہ قدم انسٹاگرام پر انفلوئنسرز کی مصروفیات کو کم کرنے اور ان کی پروفیشنل مینجمنٹ کو بہتر بنانے کی طرف ایک اہم پیش رفت ہے۔