غم کو طاقت میں بدل دیا: عاطف اسلم کی والد کے انتقال کے بعد نیشنل اسٹیڈیم میں پرفارمنس، مداحوں کا دل چھو لیا
کراچی (شوبز ڈیسک) — پاکستان کے مایہ ناز گلوکار عاطف اسلم نے والد کے انتقال جیسے کٹھن ذاتی لمحے کے باوجود کراچی کے نیشنل اسٹیڈیم میں ہونے والے جشنِ آزادی کنسرٹ میں جذبے سے بھرپور پرفارمنس دے کر شائقین کے دل جیت لیے۔
یہ کنسرٹ سندھ حکومت کے تحت "معرکۂ حق” اور 78ویں یومِ آزادی کی مناسبت سے منعقد کیا گیا تھا، جس میں راحت فتح علی خان، سجاد علی، حدیقہ کیانی، کیفی خلیل، خماریاں اور طفیل سنجرانی سمیت ملک کے کئی معروف فنکاروں نے شرکت کی۔
غم چھپا کر گانے والے عاطف، اصل ہیرو قرار
عاطف اسلم کے چہرے پر نہ دکھ کی کوئی لکیر تھی، نہ آواز میں لرزش۔ انہوں نے پورے عزم اور پیشہ ورانہ وقار کے ساتھ اسٹیج پر پرفارم کیا، جس پر ہزاروں حاضرین نے انہیں کھڑے ہو کر داد دی۔
سوشل میڈیا پر شائقین نے انہیں "اصل ہیرو” اور "حوصلے کی مثال” قرار دیا۔ کئی مداحوں نے لکھا کہ:
"یہ صرف ایک پرفارمنس نہیں تھی، بلکہ اپنے جذبے سے قوم کو خراجِ تحسین تھا۔”
یاد رہے…
عاطف اسلم کے والد، سینئر بیوروکریٹ چوہدری اسلم، 12 اگست کو لاہور میں انتقال کر گئے تھے۔ ان کے انتقال کی خبر نے شوبز اور مداحوں کے حلقے میں افسردگی کی لہر دوڑا دی تھی۔
