اداکار علی رضا کا انمول بلوچ سے شادی کی خبروں پر ردعمل: "انمول صرف اچھی دوست ہے”

شوبز انڈسٹری کے ابھرتے ہوئے نوجوان اداکار علی رضا نے اداکارہ انمول بلوچ سے شادی کی خبروں پر خاموشی توڑ دی ہے۔

علی رضا اور انمول بلوچ کو حال ہی میں ایک نجی ٹی وی چینل کے مقبول ڈرامے میں ایک ساتھ دیکھا گیا، جس کے بعد مداحوں نے دونوں کی اسکرین کیمسٹری کو بے حد سراہا اور سوشل میڈیا پر شادی کی افواہیں گردش کرنے لگیں۔

تاہم حالیہ انٹرویو میں علی رضا نے واضح کیا کہ:

"میں انمول سے شادی نہیں کر رہا، وہ میری صرف ایک اچھی دوست ہے۔”

اداکار کا مزید کہنا تھا کہ ان کا فی الحال شوبز انڈسٹری میں کسی سے شادی کا کوئی ارادہ نہیں اور نہ ہی وہ کسی تعلق میں ہیں۔

علی رضا کے بیان کے بعد مداحوں کو تو مایوسی ہوئی، لیکن ان کے صاف گو اور واضح مؤقف کو بھی خوب سراہا جا رہا ہے۔