ندا یاسر کا خواتین کو کامیاب شادی کے لیے آزمودہ مشورہ — "شوہر کے دل تک رسائی دماغ کے راستے سے ممکن ہے”
کراچی: پاکستان کی معروف مارننگ شو میزبان اور اداکارہ ندا یاسر نے اپنی حالیہ نشریات میں خواتین کو ازدواجی زندگی خوشگوار بنانے کے لیے ایک دلچسپ اور نفسیاتی پہلو پر مبنی مشورہ دیا، جس نے ناظرین اور سوشل میڈیا صارفین کی خوب توجہ حاصل کی۔
اس مارننگ شو میں اداکارہ ونیزہ احمد، اداکار فیضان شیخ اور ایک ماہرِ نفسیات نے شرکت کی، جہاں شادی شدہ زندگی، مزاجی ہم آہنگی اور جذباتی ذہانت جیسے اہم موضوعات پر مفصل گفتگو ہوئی۔
ندا یاسر نے دورانِ گفتگو کہا:
"کچھ خواتین اپنے شوہروں کو آرام سے سنبھال لیتی ہیں، کیونکہ وہ ان کی نفسیات کو بخوبی سمجھ چکی ہوتی ہیں۔”
انہوں نے ایک دلچسپ ذاتی واقعہ بھی شیئر کیا:
"ایک خاتون اپنی شوہر کی نفسیات کو اتنا سمجھ گئی ہیں کہ اب وہ ان کا بدمزہ کھانا بھی خوشی سے کھاتا ہے!”
ندا یاسر نے مشورہ دیا:
"اگر آپ چاہتی ہیں کہ آپ کا شوہر آپ کی بات سنے اور دل سے رشتہ قائم رکھے، تو پہلے اس کے دماغ اور رویے کو سمجھنا سیکھیں۔”
ان کا کہنا تھا کہ ازدواجی تعلق صرف محبت سے نہیں، بلکہ فہم و فراست، جذباتی سمجھ داری اور نفسیاتی ہم آہنگی سے کامیاب ہوتا ہے۔
سوشل میڈیا پر ندا یاسر کی یہ گفتگو خوب زیرِ بحث آئی اور صارفین نے اس بات سے اتفاق کیا کہ کامیاب رشتہ صرف دل سے نہیں بلکہ دماغ سے بھی جُڑا ہوتا ہے۔
