معروف گلوکار عاصم اظہر اور اداکارہ میرُب علی کی منگنی رسمی طور پر ختم
معروف پاکستانی گلوکار عاصم اظہر نے باقاعدہ طور پر اعلان کیا ہے کہ ان کی اور اداکارہ میرُب علی کی منگنی ختم ہو چکی ہے۔ دونوں فنکاروں نے باہمی رضامندی سے ایک دوسرے سے علیحدگی کا فیصلہ کیا ہے۔
عاصم اظہر نے سوشل میڈیا پر جاری ایک بیان میں بتایا کہ اگرچہ ان کے درمیان خوبصورت لمحات اور مشترکہ مستقبل کی امیدیں تھیں، مگر زندگی نے ایک مختلف راستہ اختیار کیا۔ انہوں نے کہا کہ یہ فیصلہ دونوں خاندانوں کی مشاورت اور باہمی احترام کے ساتھ لیا گیا ہے۔
گلوکار نے مداحوں سے درخواست کی ہے کہ وہ اس ذاتی معاملے میں ان کی پرائیویسی کا احترام کریں اور کسی قسم کی غیر ضروری قیاس آرائی سے گریز کریں۔
عاصم اظہر نے اپنے تمام چاہنے والوں کا بھی شکریہ ادا کیا جنہوں نے ہمیشہ انہیں محبت دی اور بطور جوڑی سپورٹ کیا۔
اس اعلان کے بعد سوشل میڈیا پر دونوں فنکاروں کے مداح مایوسی کا اظہار کر رہے ہیں جبکہ کئی صارفین نے ان کے لیے ہمدردی کا پیغام بھی دیا ہے اور اس فیصلے کی وجوہات جاننے میں دلچسپی ظاہر کی ہے۔
