پاکستانی فلم ساز محمد علی نقوی ایک بار پھر ایمی ایوارڈ کے لیے نامزد

کراچی: پاکستانی فلم ساز محمد علی نقوی کو ایک بار پھر ایمی ایوارڈ کے لیے نامزد کرلیا گیا ہے۔ اس بار انہیں اپنی دستاویزی فلم "ٹرننگ پوائنٹ: دی بمب اینڈ دی کولڈ وار” کی بنیاد پر بہترین تاریخی دستاویزی فلم کی کیٹیگری میں نامزدگی ملی ہے۔

محمد علی نقوی کی ایمی ایوارڈ کے لیے یہ چوتھی نامزدگی ہے، اور وہ 2023 میں پرائم ٹائم ایمی ایوارڈز میں نامزد ہونے والے پہلے پاکستانی بنے تھے، جو ان کے لیے ایک تاریخی سنگ میل تھا۔

اس حوالے سے اپنی بات کرتے ہوئے محمد علی نقوی نے کہا، "ایمی ایوارڈ کے لیے ایک بار پھر نامزد ہونا میرے لیے نہایت بڑا اعزاز ہے۔ بین الاقوامی سطح پر سرحدوں سے پار تک کہانیاں پہنچانا ایک ایسا اعزاز ہے جسے میں ہلکا نہیں لیتا۔”

محمد علی نقوی کی دستاویزی فلم "ٹرننگ پوائنٹ: دی بمب اینڈ دی کولڈ وار” نے دنیا بھر میں اپنی منفرد پیشکش اور تاریخی تناظر کی وجہ سے توجہ حاصل کی ہے، اور یہ نامزدگی ان کی فلم سازی کی مہارت کا اعتراف ہے۔