پروبائیوٹکس اور سبزیوں سے بھرپور غذا پروسٹیٹ کینسر کی رفتار کم کر سکتی ہے

حالیہ تحقیق میں یہ بات سامنے آئی ہے کہ پروبائیوٹکس اور سبزیوں سے بھرپور غذائیں کم تیزی سے پھیلنے والے پروسٹیٹ کینسر سے بچاؤ میں مددگار ثابت ہو سکتی ہیں۔

محققین نے پیٹ اور پروسٹیٹ کے درمیان تعلق کا مطالعہ کیا، اور خاص طور پر یہ دیکھا کہ آیا فائٹوکیمیکل سے بھرپور غذائیں (جیسے پتوں والی سبزیاں اور بیریز) اور لیکٹوبیکائلس پروبائیوٹکس (پیٹ کے مفید بیکٹیریا) کی مقدار میں اضافہ پروسٹیٹ کینسر پر اثر انداز ہوگا یا نہیں۔

مطالعے کے نتائج کے مطابق، 90 فیصد سے زائد مرد جنہوں نے سپلیمنٹس استعمال کیے (جن میں بروکلی، ہلدی، انار، سبز چائے، ادرک، کرین بیری اور ایک مخصوص ڈیزائن کردہ پروبائیوٹک شامل تھے) ان میں بیماری یا تو کم ہوئی یا رک گئی۔

تحقیق کے مرکزی مصنف پروفیسر رابرٹ تھامس نے بتایا کہ یہ پہلی بار سامنے آیا ہے کہ پیٹ میں بیکٹیریا کا توازن پروسٹیٹ کینسر کے بڑھنے کی رفتار کو کم کر سکتا ہے۔

یہ تحقیق اس بات کی طرف اشارہ کرتی ہے کہ صحت مند غذا اور مفید بیکٹیریا پروسٹیٹ کینسر کے خطرے کو کم کرنے میں اہم کردار ادا کر سکتے ہیں۔