گوگل نے پاکستان میں "گوگل اے آئی پلس پلان” متعارف کرا دیا

اسلام آباد: سرچ انجن گوگل نے پاکستان میں اپنے جدید "گوگل اے آئی پلس پلان” کے آغاز کا اعلان کر دیا ہے، جس کا مقصد صارفین کو طاقتور مصنوعی ذہانت (AI) ٹولز کے ذریعے بااختیار بنانا ہے تاکہ وہ اپنی پیداواری اور تخلیقی صلاحیتوں کو مزید فروغ دے سکیں۔

یہ نیا پلان باکفایت قیمت میں دستیاب ہے اور اس کے ذریعے صارفین کو متعدد جدید فیچرز اور گوگل سروسز میں اے آئی انضمام کی سہولت حاصل ہوگی۔

گوگل اے آئی پلس کے نمایاں فیچرز:

جیمنائی ایپ میں امیج جنریشن اور Nano Banana جیسے تخلیقی فیچرز تک رسائی

جیمنائی 2.5 پرو ماڈل تک مکمل رسائی، جو گوگل کا سب سے طاقتور اے آئی ماڈل ہے

ویڈیو جنریشن ماڈل Veo 3 Fast، جو Gemini، Whisk اور Flow میں استعمال کے لیے دستیاب

گوگل ڈاکس، جی میل، شیٹس سمیت تمام گوگل سروسز میں Gemini کا انضمام

گوگل فوٹوز، ڈرائیو اور جی میل میں 200 جی بی تک اضافی کلاؤڈ اسٹوریج

فیملی شیئرنگ فیچر، جس کے ذریعے صارف اپنے پلان کو پانچ افراد تک شیئر کر سکتا ہے

گوگل پاکستان کے کنٹری ڈائریکٹر فرحان قریشی نے اس موقع پر کہا:

"پاکستان کا ڈیجیٹل منظرنامہ تیزی سے ترقی کر رہا ہے۔ ہمیں پاکستانی صارفین کی تخلیقی صلاحیتوں نے متاثر کیا ہے۔ گوگل اے آئی پلس کی صورت میں ہم اے آئی ٹولز کو ہر فرد کے لیے زیادہ قابلِ رسائی بنا رہے ہیں تاکہ وہ اپنی پیداوار، تخلیق اور سیکھنے کے عمل کو بہتر بنا سکیں۔”

قیمت اور دستیابی:

گوگل اے آئی پلس پلان آج سے پاکستان میں 1,400 روپے ماہانہ کے عوض دستیاب ہے۔
مزید یہ کہ ابتدائی صارفین کے لیے پہلے 6 ماہ کے لیے 50% رعایت بھی دی جائے گی۔