دنیا کا پہلا اسمارٹ فون ٹیسٹ: 10 منٹ میں ٹائپ 2 ذیابیطس کی تشخیص ممکن

کمبریا، انگلینڈ (نیوز ڈیسک) — ماہرین نے دنیا کا پہلا اسمارٹ فون ٹیسٹ تیار کیا ہے جو محض 10 منٹ سے بھی کم وقت میں ٹائپ 2 ذیابیطس کی تشخیص کر سکتا ہے۔ یہ جدید ایپ مریضوں کو گھر بیٹھے ہی بیماری کی جانچ کی سہولت فراہم کرے گی، جس سے علاج کی راہ میں بڑی آسانی پیدا ہوگی۔

این ایچ ایس کے تحت شروع ہونے والی خدمات

کمبریا اور انگلینڈ کے شمال مشرق میں واقع این ایچ ایس ٹرسٹ نے اس ایپ کو سب سے پہلے مریضوں کے لیے دستیاب کرایا ہے، اور ملکی سطح پر اس ایپ کو اس سال کے آخر تک متعارف کرایا جائے گا۔

این ایچ ایس کے اربوں پاؤنڈ کی بچت

ایپ بنانے والی کمپنی PocDoc کا کہنا ہے کہ یہ اسمارٹ فون ٹیسٹ این ایچ ایس کو سالانہ 8.8 ارب پاؤنڈ کی لاگت میں کمی کرنے میں مدد دے گا، جو اس بیماری کے علاج پر خرچ ہوتی ہے۔

PocDoc کے سی ای او، استیو روئسٹ، نے کہا:

"یہ ایپ ٹائپ 2 ذیابیطس کی اسکریننگ کا ایک نیا دور ہے، جو پہلے کبھی ممکن نہیں تھا۔”

ذیابیطس کے علاج میں انقلابی تبدیلی

یہ ٹیسٹ ذیابیطس جیسے دائمی مرض کی بروقت تشخیص اور علاج میں نمایاں کردار ادا کرے گا، جس سے مریضوں کی زندگیوں میں بہتری کے ساتھ ہی صحت کی دیکھ بھال کے نظام پر بھی مثبت اثرات مرتب ہوں گے۔