ڈبلیو ڈبلیو ای کے لیجنڈ ریسلر جان سینا نے ریسلنگ کو الواع کہہ دیا
واشنگٹن ڈی سی: ڈبلیو ڈبلیو ای کے لیجنڈ ریسلر جان سینا نے واشنگٹن ڈی سی میں ہونے والے سنیچر نائٹس مین ایونٹ میں اپنے شاندار ریسلنگ کیریئر کو باضابطہ طور پر ختم کیا۔
17 مرتبہ کے ورلڈ چیمپئن جان سینا نے اپنے آخری مقابلے میں آسٹریا کے اسٹار ریسلر گنتر کا سامنا کیا۔ دونوں ریسلرز کے درمیان زبردست اور برابر کی ٹکر دیکھنے میں آئی اور ایک موقع پر مقابلہ جان سینا کے حق میں جاتا ہوا دکھائی دے رہا تھا، تاہم گنتر کے مسلسل اور سخت سلیپر ہولڈ کے سامنے جان سینا خود کو بچانے میں ناکام رہے۔
مقابلے کے اختتام پر جان سینا نے علامتی طور پر اپنے جوتے، آرم بینڈ اور کلائی بینڈز رنگ میں رکھ دیے، جو ریسلنگ سے ریٹائرمنٹ کی واضح علامت سمجھی جاتی ہے۔
ان کی شاندار کیریئر میں متعدد ورلڈ چیمپئنز کا سامنا اور ریسلنگ کے مختلف ایونٹس میں یادگار کارکردگی شامل ہے، اور ان کے مداح انہیں ایک لیجنڈ کے طور پر ہمیشہ یاد رکھیں گے۔
