سابق انگلش فاسٹ بولر اسٹیورٹ براڈ نے کہا ہے کہ انگلینڈ کی ایشز سیریز کی امیدیں ابتدائی دو میچز کے نتائج پر منحصر ہوں گی، اور سیریز جیتنا اس بار آسان نہیں ہوگا۔
براڈ کے مطابق، اگر انگلینڈ پہلے دو میچز میں کوئی مثبت نتیجہ حاصل نہ کر سکا تو سیریز کا کنٹرول آسٹریلیا کے ہاتھ میں چلے جائے گا، کیونکہ میزبان ٹیم جذباتی اور توانائی سے بھرپور کھیلنے کا موقع حاصل کر لے گی۔
انہوں نے انگلینڈ کی فاسٹ بولنگ لائن اَپ کو بھی سراہا، جس میں مارک ووڈ، جوفرا آرچر، گس ایٹکنسن، جوش ٹونگ اور برائیڈن کارس شامل ہیں، اور یہ ٹیم کی کلیدی طاقت بن سکتی ہے۔
براڈ نے خصوصی طور پر گس ایٹکنسن کی تعریف کی، جنہوں نے 13 ٹیسٹ میچز میں 63 وکٹیں حاصل کی ہیں، اور کہا کہ وہ ایک مستقل بولر کے طور پر ٹیم کے لیے اہم کردار ادا کر سکتے ہیں۔
ان کے بقول، مضبوط بولنگ لائن انگلینڈ کو سخت مقابلے میں فائدہ دے سکتی ہے، خاص طور پر ابتدائی میچز میں مثبت آغاز کے لیے۔
