کنگسٹن – ویسٹ انڈیز کرکٹ ٹیم کے سابق مایہ ناز آل راؤنڈر برنارڈ جولین 75 برس کی عمر میں انتقال کر گئے۔ وہ 1975 کے پہلے ورلڈ کپ میں فتح حاصل کرنے والی ویسٹ انڈین ٹیم کے اہم رکن تھے۔
برنارڈ جولین نے اپنے بین الاقوامی کیریئر میں 24 ٹیسٹ اور 12 ون ڈے میچز میں ویسٹ انڈیز کی نمائندگی کی۔ وہ بائیں ہاتھ کے فاسٹ باؤلر اور مددگار بلے باز کے طور پر جانے جاتے تھے۔
ان کے ٹیسٹ کیریئر کی جھلکیاں درج ذیل ہیں:
24 میچز میں 866 رنز اسکور کیے
ٹیسٹ کرکٹ میں 50 وکٹیں حاصل کیں
ون ڈے فارمیٹ میں 18 وکٹیں اپنے نام کیں
1975 ورلڈ کپ کے ہیرو
برنارڈ جولین نے 1975 کے ورلڈ کپ میں شاندار کارکردگی دکھائی اور ویسٹ انڈیز کی تاریخی فتح میں کلیدی کردار ادا کیا۔ ان کا شمار ان کھلاڑیوں میں ہوتا ہے جنہوں نے ویسٹ انڈیز کو عالمی سطح پر ایک بڑی طاقت بنانے میں اہم کردار ادا کیا۔
کرکٹ برادری میں غم و سوگ
برنارڈ جولین کے انتقال پر دنیا بھر کی کرکٹ برادری میں گہرے دکھ کا اظہار کیا جا رہا ہے۔ سوشل میڈیا پر مداح اور سابق کھلاڑی ان کی کرکٹ خدمات کو خراجِ عقیدت پیش کر رہے ہیں۔
