ویب ڈیسک: ایشیا کپ ٹی ٹوئنٹی کے سپر فور مرحلے میں آج پاکستان اور سری لنکا کے درمیان فیصلہ کن ٹاکرا ابوظبی میں ہوگا۔ فائنل تک رسائی کے لیے گرین شرٹس کو ہر حال میں فتح درکار ہے، بصورتِ دیگر "اگر مگر” کا کھیل شروع ہو جائے گا۔
سپر فور کا سنسنی خیز مرحلہ، ایک ایک شکست کے ساتھ دونوں ٹیمیں میدان میں
پاکستان اور سری لنکا دونوں ہی سپر فور مرحلے میں ایک، ایک میچ ہار چکی ہیں، جس کے باعث آج کا میچ عملی طور پر سیمی فائنل کی حیثیت اختیار کر چکا ہے۔ جو ٹیم جیتے گی، وہ فائنل میں جائے گی، جبکہ شکست خوردہ ٹیم کے امکانات تقریباً ختم ہو جائیں گے۔
سری لنکا کا پلڑا بھاری؟
اگرچہ مجموعی باہمی مقابلوں میں پاکستان کو 10 کے مقابلے میں 13 فتوحات کی برتری حاصل ہے، لیکن حالیہ فارم کے اعتبار سے سری لنکا کا پلڑا بھاری دکھائی دیتا ہے۔ آخری پانچ ٹی ٹوئنٹی مقابلوں میں لنکن لائنز نے گرین شرٹس کو شکست دی ہے۔
کھلاڑیوں کے بیانات: پر اعتماد پاکستان، پرعزم سری لنکا
اوپننگ بیٹر صاحبزادہ فرحان نے میڈیا سے گفتگو میں کہا کہ:
"کھلاڑی پراعتماد ہیں، اور ہم سری لنکا کے خلاف اہم میچ جیتنے کے لیے پوری طرح تیار ہیں۔”
دوسری جانب سری لنکن کپتان نے کہا کہ:
"پاکستان کے خلاف میچ انتہائی اہم ہے، کوشش ہوگی کہ اگلے دونوں میچ جیت کر فائنل میں رسائی حاصل کریں۔”
فیصلہ کن معرکہ، کون جائے گا فائنل میں؟
ابوظبی کے میدان پر ہونے والا یہ ٹاکرا دونوں ٹیموں کے لیے نہایت اہمیت کا حامل ہے۔ شائقینِ کرکٹ کی نظریں اس میچ پر مرکوز ہیں، اور یہ سوال سب کی زبان پر ہے:
کیا پاکستان سری لنکن دباؤ توڑ پائے گا، یا ایک بار پھر تاریخ خود کو دہرائے گی؟
