دبئی: ایشیا کپ 2025 کے منتظمین نے شائقین کرکٹ کے لیے خصوصی ٹکٹ آفرز کا اعلان کر دیا ہے، جس کے تحت تین مختلف پیکجز متعارف کروائے گئے ہیں تاکہ ہر سطح کے کرکٹ فینز اس بڑے ایونٹ کا بھرپور لطف اٹھا سکیں۔
نئی سہولتوں کے تحت ٹکٹس کی قیمتیں 475 درہم سے شروع ہو رہی ہیں۔ پہلے پیکج کی قیمت 475 درہم ہے، جس میں بھارت بمقابلہ یو اے ای، پاکستان بمقابلہ عمان اور پاکستان بمقابلہ بھارت کے میچز شامل ہیں۔ دوسرے اور تیسرے پیکج کی قیمت دونوں 525 درہم رکھی گئی ہے۔ دوسرے پیکج میں سپر فور کے تین اہم میچز جبکہ تیسرے پیکج میں سپر فور کے دو میچز اور گرینڈ فائنل کے میچ کا خصوصی دورہ شامل ہے۔
اس کے علاوہ، منتظمین نے محدود تعداد میں انفرادی ٹکٹس بھی جاری کرنے کا اعلان کیا ہے تاکہ شائقین اپنی پسند کے مخصوص میچز کا انتخاب کر سکیں۔
یہ خصوصی آفرز کرکٹ کے دیوانوں کے لیے خوشخبری ہے، جو ایشیا کپ کے اس شاندار مقابلے کو براہ راست میدان میں بیٹھ کر دیکھنے کا موقع حاصل کریں گے۔ کرکٹ کے چاہنے والے اب اپنے پسندیدہ پیکج کا انتخاب کر کے اس سنسنی خیز ٹورنامنٹ کا حصہ بن سکتے ہیں۔
ایشیا کپ 2025 کے منتظمین کا کہنا ہے کہ ٹکٹوں کی یہ پیشکش کرکٹ کے شائقین کی سہولت کو مدنظر رکھتے ہوئے تیار کی گئی ہے تاکہ ہر کوئی اپنی مالی استطاعت کے مطابق اس عالمی کرکٹ مقابلے سے لطف اندوز ہو سکے۔
