فیفا ورلڈ کپ 2026 کی قرعہ اندازی دسمبر میں واشنگٹن میں ہوگی، ڈونلڈ ٹرمپ کا اعلان

واشنگٹن (خصوصی رپورٹ): امریکی صدر ڈونلڈ ٹرمپ نے اعلان کیا ہے کہ فیفا ورلڈ کپ 2026 کی قرعہ اندازی اس سال دسمبر میں واشنگٹن کے کینیڈی سینٹر میں منعقد ہوگی۔ یہ عالمی فٹبال کا سب سے بڑا ایونٹ ہوگا، جس کی میزبانی امریکا، کینیڈا اور میکسیکو مشترکہ طور پر کریں گے۔

وائٹ ہاؤس میں اس موقع پر فیفا کے صدر جیانی انفانٹینو بھی موجود تھے، جنہوں نے بتایا کہ اس ورلڈ کپ میں کل 48 ٹیمیں حصہ لیں گی اور مجموعی طور پر 104 میچز کھیلے جائیں گے۔

انفانٹینو نے مزید کہا کہ قرعہ اندازی کے دوران 48 ٹیموں کو 12 گروپوں میں تقسیم کیا جائے گا، جہاں ہر گروپ میں چار ٹیمیں شامل ہوں گی، جس سے مقابلے مزید دلچسپ اور سنسنی خیز بنیں گے۔

یہ ورلڈ کپ فٹبال کی تاریخ میں ایک نیا ریکارڈ قائم کرے گا اور تین ممالک کی مشترکہ میزبانی سے عالمی توجہ کو بھی فروغ ملے گا۔