بلاوائیو: جنوبی افریقا نے زمبابوے کو دوسرے ٹیسٹ میچ میں زبردست کارکردگی کا مظاہرہ کرتے ہوئے اننگز اور 236 رنز سے شکست دے دی، جس کے ساتھ ہی انہوں نے تین میچز پر مشتمل سیریز کو 2-0 سے جیت لیا۔
ٹیسٹ میچ کے تیسرے دن فالو آن کے شکار زمبابوے کی ٹیم دوسری اننگز میں صرف 220 رنز بنا کر آؤٹ ہو گئی، جس کے باعث جنوبی افریقا نے میچ آسانی سے اپنے نام کر لیا۔
جنوبی افریقا کے ٹیسٹ کپتان ویان ملڈر کو میچ میں شاندار 367 رنز کی یادگار اننگز کھیلنے پر "پلیئر آف دی میچ” کا اعزاز دیا گیا، جس نے اپنی ٹیم کی جیت میں اہم کردار ادا کیا۔
واضح رہے کہ پہلے ٹیسٹ میں بھی زمبابوے کو جنوبی افریقا نے 328 رنز سے شکست دی تھی، جس کے باعث سیریز کا پلڑا مکمل طور پر جنوبی افریقا کے حق میں رہا۔
اس کے علاوہ، 14 جولائی سے جنوبی افریقا، زمبابوے اور نیوزی لینڈ کے درمیان ٹرائی نیشن ٹی 20 سیریز کا آغاز ہونے جا رہا ہے، جس میں تینوں ٹیموں کے مابین مجموعی طور پر سات میچز کھیلے جائیں گے۔ ٹرائی نیشن سیریز کا پہلا میچ 14 جولائی کو جنوبی افریقا اور زمبابوے کے درمیان ہوگا۔
