ٹرمپ کی ٹیرف اور ٹیکس پالیسی پر یورپی یونین کا ردعمل آگیا

امریکی صدر ڈونلڈ ٹرمپ کی ٹیرف اور ٹیکس پالیسی پر یورپی یونین کے اکنامک کمشنر نے کہا ہے کہ معاشی مفادات کے دفاع کے لیے ضرورت پڑنے پر ہم تیار ہیں۔امریکی صدر کے بیان پر ردعمل کا اظہار کرتے ہوئے انہوں نے کہا کہ ڈونلڈ ٹرمپ کے سابق دور میں لگائی گئی پابندیوں کا مناسب جواب دیا گیا۔انہوں نے کہا کہ تجارتی تنازعہ کی قیمت امریکا سمیت سب کو ادا کرنا ہوگی۔ یورپی یونین پہلے ہی میکسیکو کے ساتھ تجارتی معاہدوں کو مضبوط کرنے کے منصوبوں کا اعلان کر چکی ہے۔دوسری جانب یورپی یونین نے بھی ملائیشیا کے ساتھ آزاد تجارتی معاہدے پر مذاکرات دوبارہ شروع کرنے کا اعلان کیا ہے۔