ٹرمپ کی سخت دھمکی: چین مقناطیس کی فراہمی روکی تو 200 فیصد ٹیرف لگائیں گے

واشنگٹن: سابق امریکی صدر ڈونلڈ ٹرمپ نے خبردار کیا ہے کہ اگر چین نے امریکہ کو مقناطیس (میگنیٹس) کی فراہمی بند کی تو بیجنگ پر 200 فیصد تک ٹیرف عائد کر دیا جائے گا، جس سے چین کی معیشت کو شدید نقصان پہنچ سکتا ہے۔

صحافیوں سے گفتگو کرتے ہوئے ٹرمپ نے کہا، "ہمارے پاس ٹیرف کی طاقت ہے۔ اگر ہمیں 100 یا 200 فیصد ٹیرف لگانا پڑے تو ہم کریں گے، اور اس سے چین کے ساتھ کاروبار مشکل ہو جائے گا۔”

ماہرین کے مطابق، دنیا کی تقریباً 90 فیصد میگنیٹس کی پیداوار چین کے کنٹرول میں ہے، جو جدید ٹیکنالوجی، سیمی کنڈکٹر چپس، دفاعی سازوسامان اور اسمارٹ فونز کی تیاری کے لیے انتہائی اہم ہیں۔ اس لیے میگنیٹس کی فراہمی پر یہ تجارتی تنازع عالمی مارکیٹ میں سنجیدہ اثرات رکھتا ہے۔

چین نے اپریل 2025 میں نایاب معدنیات اور میگنیٹس پر برآمدی پابندیاں عائد کر کے عالمی سپلائی چین میں ایک نیا چیلنج پیدا کیا ہے، جسے مغربی ممالک نے تشویش سے دیکھا ہے۔

ماہرین کا کہنا ہے کہ اگر یہ کشیدگی بڑھتی ہے تو نہ صرف امریکہ اور چین بلکہ دنیا بھر کی ٹیکنالوجی اور مینوفیکچرنگ انڈسٹری پر اس کے منفی اثرات مرتب ہوں گے۔