عمران خان نے کہا پاکستان میری جان سے بھی قیمتی ہے: شبلی فراز

پی ٹی آئی رہنما شبلی فراز نے کہا ہے کہ پی ٹی آئی کے بانی نے کہا کہ پاکستان میری جان سے زیادہ قیمتی ہے۔

سینیٹ اجلاس میں اپوزیشن لیڈر شبلی فراز نے اظہار خیال کرتے ہوئے کہا کہ قرارداد میں ایوان کی طرف سے دشمنوں کے لیے مشترکہ پیغام ہے۔

شبلی فراز نے کہا کہ بھارت انتظار کر رہا ہے کہ پاکستان کو کیسے نقصان پہنچایا جائے، پہلگام واقعہ کا الزام پاکستان پر لگایا گیا۔

انہوں نے کہا کہ 750,000 فوجیوں کی موجودگی میں یہ واقعہ ان کی صلاحیتوں پر سوال اٹھاتا ہے۔ انہوں نے کہا کہ انہوں نے کبھی نہیں سنا کہ بھارت میں کسی الیکشن میں دھاندلی کا الزام لگایا جاتا ہے۔