لیبیا میں تارکین وطن کی کشتی ڈوبنے سے 11 افراد جاں بحق، 4 پاکستانی بھی شامل
لیبیا میں تارکین وطن کی ایک اور کشتی الٹ گئی، 11 لاشیں نکال لی گئیں، جن میں سے چار کی شناخت پاکستانیوں کے نام سے ہوئی ہے۔
لیبیا میں پاکستانی سفارت خانے کی طرف سے وزارت خارجہ کو بھیجی گئی ایک رپورٹ میں کہا گیا ہے کہ کشتی 12 اپریل کو مشرقی لیبیا میں سرت شہر کے قریب ہاروا ساحل کے قریب الٹ گئی۔
جائے حادثہ سے اب تک گیارہ لاشیں نکالی جا چکی ہیں جن میں سے چار پاکستانی ہیں۔ پاکستانی سفارتخانے کی ایک ٹیم نے واقعے کے بارے میں معلومات اکٹھی کرنے کے لیے سراج گنج شہر کا دورہ کیا اور قومی دستاویزات سے چار لاشوں کی شناخت پاکستانیوں کے طور پر کی ہے۔
ان میں سے تین کا تعلق منڈی بہاؤالدین اور ایک کا تعلق گوجرانوالہ سے ہے۔:رپورٹ کے مطابق زاہد محمود ولد لیاقت علی کا تعلق گوجرانوالہ سے ہے جبکہ سمیر علی ولد راجہ عبدالقدیر،سید علی حسین ولد شفقت الحسنین اورآصف علی ولد نذرمحمد کا تعلق منڈی بہاوالدین سے ہے۔
اس کے دو نعشوں کی تاحال شناخت نہیں ہو سکی،پانچ نعشیں مصری شہریوں کی۔پاکستانی سفارتخانہ حادثے سے متعلق مزید معلومات کیلئے مقامی رابطہ میں۔
