امریکہ کے ساتھ طے شدہ مذاکرات پر ایران کا ردعمل سامنے آ گیا ہے۔ ایرانی وزارت خارجہ کے ترجمان کے مطابق امریکہ کے ساتھ مذاکرات کو حقیقی موقع دیا جا رہا ہے۔
ہفتے کو ہونے والے مذاکرات میں امریکا کے ارادوں اور عزم کا اندازہ لگایا جائے گا۔غیر ملکی میڈیا کے مطابق امریکا اور ایران کے درمیان بالواسطہ مذاکرات کل عمان میں ہو رہے ہیں۔
ایران کے سرکاری میڈیا کے مطابق مذاکرات میں ایران کی نمائندگی ایرانی وزیر خارجہ عباس عراقچی کریں گے اور امریکا کی نمائندگی امریکی صدارتی ایلچی اسٹیو وٹ کوف کریں گے۔اس ہفتے کے اوائل میں امریکی صدر ڈونلڈ ٹرمپ نے اوول آفس میں اسرائیلی وزیراعظم نیتن یاہو سے ملاقات کے دوران صحافیوں سے بات کرتے ہوئے دعویٰ کیا تھا کہ ہفتے کو ایران کے ساتھ براہ راست مذاکرات ہونے جا رہے ہیں۔
انہوں نے مذاکرات کے بارے میں مزید معلومات فراہم کیے بغیر کہا کہ دونوں ممالک کے درمیان ہونے والے مذاکرات میں کوئی معاہدہ طے پا سکتا ہے، انہوں نے کہا تھا کہ ایران کے ساتھ بہت اعلیٰ سطح پر مذاکرات ہوں گے اور اگر یہ مذاکرات کامیاب نہ ہوئے تو ایران کو شدید خطرہ لاحق ہو جائے گا۔
میرے شوہر نے مجھے کہا کہ شوبز چھوڑ کر سر ڈھانپ لو، لیکن میں مان جاتی: فضا علی
پاکستانی شوبز انڈسٹری کی اداکارہ، ماڈل، گلوکارہ اور میزبان فضا علی نے شادی شدہ خواتین کو اپنے شوہروں کی بات ماننے کا مشورہ دیا ہے۔
اداکارہ فضا علی کا ایک مختصر ویڈیو کلپ سوشل میڈیا پر وائرل ہو رہا ہے، جس میں وہ اپنی مثال کے طور پر شادی شدہ خواتین کو سمجھاتے ہوئے دیکھی جا سکتی ہیں۔
فضا علی کا اپنے بیان میں کہنا ہے کہ اگر میرے شوہر نے مجھے شوبز انڈسٹری چھوڑنے کا کہا تو میں یہ انڈسٹری چھوڑ دوں گی، میں کام نہیں کروں گی، میں جو کچھ کماؤں گی خرچ کروں گی اور اپنے شوہر کی کفالت کروں گی۔
اداکارہ ویڈیو میں مزید کہتی ہیں کہ اگر میرے شوہر نے مجھے دوپٹہ اور نقاب پہننے کا کہا ہوتا تو میں ساری زندگی دوپٹہ اور نقاب پہنتی، فضا علی کا کہنا تھا کہ اگر آپ کے شوہر آپ سے کوئی ایسی بات کہے جو نمک کے برابر بھی ہو تو برداشت کریں، فضہ علی کا شادی شدہ خواتین کو مشورہ انٹرنیٹ صارفین کو اچھا نہیں لگا۔اداکارہ کی اس ویڈیو پر طنزیہ تبصروں کا سلسلہ جاری ہے۔
