امریکی وزیر دفاع پیٹ ہیگستھ نے کہا ہے کہ امریکا چین کے ساتھ جنگ نہیں چاہتا۔
بین الاقوامی میڈیا کے مطابق امریکی وزیر دفاع نے پاناما کے دورے کے دوران اپنے ایک بیان میں کہا کہ امریکا چین کے ساتھ جنگ نہیں چاہتا تاہم چینی دھمکیوں سے نمٹنے کے لیے کارروائی کرے گا۔
انہوں نے مزید کہا کہ چین کی جانب سے خطے کے ممالک کو لاحق خطرے کو تسلیم کیا جانا چاہیے۔
امریکی وزیر دفاع نے چین کی پیپلز لبریشن آرمی کا حوالہ دیتے ہوئے کہا ہے کہ چینی فوج کی نصف کرہ میں بڑی موجودگی ہے، وہ اپنے عالمی عزائم کو آگے بڑھانے کے لیے قومی وسائل اور علاقے کا استحصال کر رہی ہے۔
امریکی وزیر دفاع نے یہ بھی کہا ہے کہ امریکی صدر ڈونلڈ ٹرمپ کی انتظامیہ چین کو پاناما کینال پر اپنا اثر و رسوخ بڑھانے کی اجازت نہیں دے گی، جسے امریکا نے بنایا تھا اور جسے امریکی صدر ٹرمپ نے واپس لینے کا عزم کیا تھا۔
