سال 2026 میں پیٹرولیم مصنوعات کی قیمتوں سے متعلق بڑی خبر آگئی
دبئی/کویت سٹی: سال 2026 کے آغاز کے ساتھ ہی خلیجی ممالک میں پیٹرول اور ڈیزل کی نئی قیمتوں کے حوالے سے تفصیلات سامنے آنا شروع ہو گئی ہیں۔ جہاں کویت نے پہلی سہ ماہی کے لیے قیمتیں مستحکم رکھنے کا اعلان کیا ہے، وہیں متحدہ عرب امارات میں عالمی مارکیٹ کے مطابق ردوبدل متوقع ہے۔
کویت: قیمتیں 31 مارچ 2026 تک برقرار
کویت کی ریاستی کمیٹی نے عوام کو ریلیف فراہم کرتے ہوئے 2026 کی پہلی سہ ماہی (جنوری تا مارچ) کے لیے موجودہ قیمتیں برقرار رکھنے کا فیصلہ کیا ہے۔
کویت میں مقررہ نرخ درج ذیل ہیں:
پریمیم پیٹرول: 85 فلس فی لیٹر
ریگولر پیٹرول: 105 فلس فی لیٹر
ڈیزل اور مٹی کا تیل: 115 فلس فی لیٹر
الٹرا (98 آکٹین): 200 فلس فی لیٹر (نئی منظور شدہ قیمت)
متحدہ عرب امارات: عالمی منڈی کے اثرات
متحدہ عرب امارات (UAE) میں ایندھن کی قیمتوں کو عالمی منڈی سے منسلک کرنے کی پالیسی کے تحت جنوری 2026 کے نرخوں کا اعلان جلد متوقع ہے۔ دسمبر کے آخری ایام میں عالمی تیل کی قیمتوں میں اضافے کے باعث جنوری میں قیمتیں بڑھنے کا امکان ظاہر کیا جا رہا ہے۔
دسمبر 2025 میں یو اے ای کی قیمتوں کا جائزہ: دسمبر کے دوران قیمتوں میں تقریباً 2.7 فیصد اضافہ ریکارڈ کیا گیا تھا:
