ایس آئی ایف سی کی کوششیں رنگ لانے لگیں — پاکستان اور برطانیہ کے اقتصادی تعلقات میں بڑی پیش رفت
اسلام آباد: اسپیشل انویسٹمنٹ فیسیلیٹیشن کونسل (SIFC) کی کاوشوں سے پاکستان اور برطانیہ کے درمیان اقتصادی تعاون میں اہم پیش رفت سامنے آگئی ہے۔ وفاقی وزیر خزانہ محمد اورنگزیب اور برطانیہ کی وزیر برائے ترقیاتی امور بیرونیس چیپ مین کے درمیان اہم ملاقات کے بعد 8 سال بعد ترقیاتی مذاکرات کا نیا دور باقاعدہ طور پر شروع ہوگیا۔
پاکستان–برطانیہ تجارت 5.5 بلین پاؤنڈ سے تجاوز
مذاکرات کے دوران بتایا گیا کہ پاکستان میں برطانوی کمپنیوں کی تعداد 200 سے زائد ہو چکی ہے، جس کے باعث باہمی تجارتی حجم 5.5 بلین پاؤنڈ سے تجاوز کر گیا ہے۔
فریقین نے تجارت، سرمایہ کاری، ماحولیات اور سماجی ترقی کے مختلف شعبوں میں تعاون بڑھانے پر گفتگو کی۔
پاک–یو کے ایجوکیشن گیٹ وے کے اگلے مرحلے کا آغاز
بیرونیس چیپ مین اور وزیر تعلیم خالد مقبول صدیقی نے "پاک-یو کے ایجوکیشن گیٹ وے” کے اگلے مرحلے کا افتتاح بھی کیا۔
نئے مرحلے میں:
اسٹارٹ اَپ فنڈز کا آغاز
آن لائن لرننگ پروگرامز میں توسیع
تعلیمی تعاون کے مزید مواقع
شامل کیے گئے ہیں۔
صحت، تعلیم اور ماحولیات میں تعاون پر اتفاق
پاکستان اور برطانیہ نے صحت، تعلیم، آبادی، ماحولیاتی استحکام اور گرین ٹیکنالوجیز میں سرمایہ کاری پر بھی تبادلہ خیال کیا۔ اسی سلسلے میں گرین کومپیکٹ پروگرام کا آغاز کیا گیا، جو ماحولیات، قدرتی وسائل کے بہتر استعمال اور گرین ٹیک انویسٹمنٹ کے فریم ورک کو مضبوط کرے گا۔
پاکستانی معیشت کے لیے مثبت پیش رفت
حکام کے مطابق برطانیہ کے ساتھ تعاون میں یہ اہم ترقیاتی پیش رفت:
پاکستان کی معیشت میں استحکام
غیر ملکی سرمایہ کاری میں اضافہ
عالمی سطح پر پاکستان پر اعتماد میں بہتری
کا سبب بنے گی۔
غیر ملکی سرمایہ کاری میں مسلسل اضافہ پاکستان کی بڑھتی ہوئی معاشی ساکھ کا ثبوت قرار دیا گیا ہے۔
