ویب ڈیسک: متحدہ عرب امارات نے عوامی تحفظ اور سماجی استحکام کو یقینی بنانے کے لیے غیر قانونی طور پر مقیم افراد کو ملازمت یا رہائش دینے والے افراد کے خلاف سخت قوانین نافذ کرنے کا اعلان کر دیا ہے۔
رپورٹ کے مطابق:
یو اے ای میں غیر قانونی مقیم باشندوں کو پناہ دینے یا ملازمت دینے والے افراد عوامی سلامتی کے لیے خطرہ بن سکتے ہیں اور غیر قانونی سرگرمیوں میں ملوث ہو سکتے ہیں۔
اس جرم کے مرتکب افراد پر ایک لاکھ سے 5 ملین درہم تک جرمانہ اور کم از کم 2 ماہ قید کی سزا ہو سکتی ہے۔
اہم نکات:
وزٹ یا سیاحتی ویزا رکھنے والے افراد کا یو اے ای میں ملازمت کرنا سنگین خلاف ورزی ہے، جس پر 10 ہزار درہم جرمانہ عائد کیا جا سکتا ہے۔
جعلی رہائشی دستاویزات استعمال کرنے والے افراد کے لیے 10 سال تک قید کی سزا مقرر ہے۔
یہ قوانین 2021 کے غیر ملکی داخلے اور رہائش سے متعلق قوانین کے تحت نافذ کیے گئے ہیں۔
گلف نیوز کے مطابق یہ اقدامات ملک میں سماجی استحکام اور شہریوں کی حفاظت کو یقینی بنانے کے لیے کیے گئے ہیں۔
