اقوام متحدہ کی جنرل اسمبلی کا فلسطینی ریاست کے قیام کا مطالبہ

اقوام متحدہ کی جنرل اسمبلی نے فلسطینی ریاست کے قیام اور اسرائیل کے مقبوضہ فلسطینی علاقوں سے انخلاء کا مطالبہ کیا ہے۔اقوام متحدہ کی جنرل اسمبلی نے دو ریاستی حل کے قیام کے لیے جون میں ایک بین الاقوامی کانفرنس بلانے کا بھی اعلان کیا۔جنرل اسمبلی نے قرارداد کو 8 کے مقابلے 157 ووٹوں سے منظور کیا۔ واضح رہے کہ امریکا اور اسرائیل نے قرارداد کی مخالفت کی تھی جب کہ 7 ممالک نے ووٹنگ میں حصہ نہیں لیا۔