پٹرولیم مصنوعات کی قیمتوں میں اضافہ: عوام کے لیے مہنگائی کا نیا دھچکا ،پاکستانیوں کو کتنا دھچکا لگ سکتا ہے؟

اسلام آباد: مہنگائی کے ستائے عوام کے لیے ایک اور بری خبر یہ ہے کہ پٹرولیم مصنوعات کی قیمتیں مسلسل بڑھ رہی ہیں اور حکومت ان پر فروخت میں افراد کے منافع کو بڑھانے کا الگ انتظام کر رہی ہے۔ ماہرین کا کہنا ہے کہ 16 دسمبر کو پٹرولیم مصنوعات کی قیمت میں ہوش رُبا اضافہ ہونے کا شدید خطرہ ہے۔

عالمی منڈی میں خام تیل کی قیمتیں پیر کو دو ہفتوں کی بلند ترین سطح پر پہنچ گئیں۔ سرمایہ کاروں کی توقعات ہیں کہ امریکہ جلد ہی شرح سود میں کمی کرے گا، جس سے وہاں مینوفیکچرنگ سرگرمیوں میں اضافہ ہوگا اور پٹرولیم مصنوعات کی کھپت بڑھے گی۔

تجارتی ہفتے کے پہلے روز برینٹ کروڈ کے مستقبل کے سودوں میں 4 سینٹ (0.06 فیصد) اضافہ ہوا اور یہ 63.79 ڈالر فی بیرل پر پہنچ گیا۔ امریکی ویسٹ ٹیکساس انٹرمیڈیٹ کی قیمت بھی 7 سینٹ (0.12 فیصد) بڑھ کر 60.15 ڈالر فی بیرل ہو گئی۔

آئل مارکیٹ کے ماہرین کے مطابق، امریکہ میں شرح سود میں کمی سے معاشی سرگرمی کو سہارا ملے گا اور عالمی توانائی کی طلب میں مزید اضافہ متوقع ہے، جس کا اثر عالمی منڈی کی قیمتوں پر پڑے گا اور پاکستان میں پٹرولیم مصنوعات کی قیمتیں بڑھنے کا خدشہ پیدا کرے گا۔