وفاقی حکومت کا 9 مئی کے کیسز میں اہم فیصلہ،جان کر آ پ یقین نہیں کر پا ئیں گے

وفاقی حکومت نے 9 مئی کے واقعات سے متعلق مقدمات میں پاکستان تحریکِ انصاف (پی ٹی آئی) کے متعدد اہم رہنماؤں سمیت بعض دیگر شخصیات کے بیرونِ ملک جانے پر پابندی عائد کرنے کا فیصلہ کر لیا ہے۔ ذرائع کے مطابق ان سیاسی رہنماؤں کے نام ایگزٹ کنٹرول لسٹ (ای سی ایل) میں شامل کرنے کی باضابطہ منظوری دے دی گئی ہے۔
حکومت کی جانب سے جن رہنماؤں کے نام ای سی ایل میں ڈالے گئے ہیں ان میں عمران خان، شاہ محمود قریشی، عمر ایوب، فواد چوہدری، شبلی فراز، علی امین گنڈا پور، شہریار آفریدی، عثمان ڈار، شیریں مزاری، زرتاج گل، مسرت چیمہ، کنول شوزب، شیخ رشید، شیخ راشد اور میجر (ر) طاہر صادق شامل ہیں۔
ذرائع کا کہنا ہے کہ راجا بشارت، واثق قیوم عباسی اور دیگر شخصیات پر بھی بیرونِ ملک سفر پر پابندی عائد کی گئی ہے۔ محکمہ داخلہ پنجاب نے ان رہنماؤں کی فہرست اور سفارشات وفاقی حکومت کو ارسال کی تھیں، جسے 9 مئی کے فسادات کے تناظر میں منظور کرتے ہوئے نام ای سی ایل میں شامل کرنے کا فیصلہ کیا گیا۔
ای سی ایل کمیٹی نے بھی سفارشات کی توثیق کرتے ہوئے انہیں حتمی منظوری کے لیے وفاقی حکومت کو ارسال کیا تھا۔