لاہور — پاکستان کرکٹ بورڈ (پی سی بی) نے دورہ بنگلہ دیش کے لیے 15 رکنی ویمنز انڈر 19 اسکواڈ کا اعلان کر دیا ہے۔ اسکواڈ میں گزشتہ ویمنز انڈر 19 ورلڈ کپ میں شرکت کرنے والی آٹھ کھلاڑیوں کو دوبارہ موقع دیا گیا ہے۔
اعلان کے مطابق ٹیم کی قیادت اسلام آباد سے تعلق رکھنے والی آل راؤنڈر ایمان نصیر کریں گی۔
اسکواڈ میں شامل کھلاڑی:
ایمان نصیر (کپتان)
کومل خان (وکٹ کیپر)
علیسہ مختیار
میمونہ خالد
روزینہ اکرم
عائشہ ریاض
شہر بانو
ماہ نور زیب
بریرہ سیف
رویل فرحان
عریشہ انصاری
فضہ فیاض
ذوفشاں ایاز
راحیمہ سید
اقصیٰ حبیب
پاکستان ویمنز انڈر 19 ٹیم 3 سے 12 دسمبر تک بنگلہ دیش انڈر 19 ٹیم کے خلاف پانچ ٹی20 میچز کھیلے گی، جو کاکسز اکیڈمی گراؤنڈ میں منعقد ہوں گے۔
پی سی بی کے مطابق یہ سیریز نوجوان کھلاڑیوں کی صلاحیتوں کو نکھارنے کے لیے بہترین موقع ثابت ہوگی۔
