افغانستان واپس لوٹنے والے افغان مہاجرین کی تعداد میں اضافہ، 2,102 خاندان اپنے وطن واپس پہنچے

کابل: افغانستان کے ہائی کمیشن برائے امورِ مہاجرین کے مطابق، ہفتے کے روز ایران اور پاکستان سے مجموعی طور پر 2,102 افغان خاندانوں کے 11,855 افراد اپنے وطن واپس لوٹ آئے۔ کمیشن نے بتایا کہ واپس آنے والے مہاجرین کو عارضی رہائش، خوراک، پانی، طبی سہولیات اور ٹرانسپورٹ کی خدمات فراہم کی جا رہی ہیں تاکہ ان کی وطن واپسی کے عمل کو آسان بنایا جا سکے۔
اعداد و شمار کے مطابق، دنیا بھر میں تقریباً 60 لاکھ افغان مہاجرین مقیم ہیں، جن میں بڑی تعداد غیر دستاویزی افراد کی ہے۔ ایران اور پاکستان میں سب سے زیادہ افغان مہاجرین کی تعداد موجود ہے، جہاں کئی دہائیوں سے یہ افراد پناہ گزینی کی زندگی گزار رہے ہیں۔
افغان مہاجرین کی وطن واپسی کا عمل جاری ہے اور افغان حکومت کی جانب سے ان کی بحالی کے لیے مختلف اقدامات اٹھائے جا رہے ہیں۔