نائب وزیراعظم و وزیرِ خارجہ اسحاق ڈار اپنے اہم سرکاری دوروں کی تکمیل کے بعد اسلام آباد واپس پہنچ گئے۔ وہ 17 سے 19 نومبر تک ماسکو اور 19 سے 21 نومبر تک برسلز کے دورے پر تھے، جہاں انہوں نے متعدد اہم سفارتی ملاقاتیں کیں۔
وزارتِ خارجہ کے مطابق واپسی پر اسحاق ڈار نے مدینہ منورہ میں مختصر قیام کیا اور روضۂ رسول ﷺ پر حاضری دی۔ انہوں نے امتِ مسلمہ، پاکستان کی سلامتی، ترقی اور خوشحالی کے لیے خصوصی دعا بھی کی۔
ترجمان دفترِ خارجہ کا کہنا ہے کہ وزیرِ خارجہ کے ان دوروں میں اہم دوطرفہ ملاقاتیں، بین الاقوامی تعاون کے امور اور علاقائی حالات پر تفصیلی تبادلۂ خیال شامل تھا۔
اسحاق ڈار کے یہ دورے پاکستان کی سفارتی کاوشوں اور عالمی سطح پر فعال کردار کے لیے اہم پیش رفت قرار دیے جا رہے ہیں۔
