ہانیہ وقار نے میٹرک کے سالانہ امتحانات میں شاندار کارکردگی کا مظاہرہ کرتے ہوئے 1130 نمبروں کے ساتھ نہ صرف 94 فیصد نمبر حاصل کیے بلکہ اپنے سکول میں پہلی پوزیشن بھی اپنے نام کر لی۔ یہ کامیابی ان کی مسلسل محنت، عزم اور والدین و اساتذہ کی رہنمائی کا ثمر ہے۔
ہانیہ کا کہنا ہے، "میں نے دن رات محنت کی، ہر لمحہ پڑھائی کو ترجیح دی اور اساتذہ کی رہنمائی سے ہی یہ کامیابی ممکن ہوئی۔ میرا خواب ہے کہ میں ڈاکٹر بن کر ملک و قوم کی خدمت کروں۔”
ان کی اس شاندار کامیابی پر والدین اور اساتذہ نے خوشی اور فخر کا اظہار کیا ہے۔ سکول کے پرنسپل نے کہا، "ہانیہ ہمارے ادارے کی شان ہے۔ اس نے ثابت کیا ہے کہ اگر جذبہ، لگن اور نظم و ضبط ہو تو کوئی بھی مقام حاصل کیا جا سکتا ہے۔”
ہانیہ وقار کو ان کے رشتہ داروں، دوستوں اور مقامی کمیونٹی کی جانب سے مبارکباد کے پیغامات موصول ہو رہے ہیں۔ ہر طرف سے نیک تمناؤں کا اظہار کیا جا رہا ہے اور ان کے روشن مستقبل کے لیے دعائیں کی جا رہی ہیں۔
ہم بھی ہانیہ وقار کو دل کی گہرائیوں سے مبارکباد پیش کرتے ہیں اور امید کرتے ہیں کہ وہ مستقبل میں بھی کامیابیوں کے نئے باب رقم کرتی رہیں گی۔
