کراچی – 3 جولائی 2025:
سینئر صوبائی وزیر اطلاعات و ٹرانسپورٹ شرجیل انعام میمن نے پریس کانفرنس میں سندھ حکومت کی اہم عوامی خدمات پر روشنی ڈالتے ہوئے بتایا کہ تعلیم، روزگار، ٹرانسپورٹ، امن و امان اور شہری سہولتوں کے میدان میں نمایاں کامیابیاں حاصل کی گئی ہیں۔
تعلیم میں انقلابی اقدامات:
سندھ حکومت نے 93,118 اساتذہ کی شفاف بھرتی مکمل کرلی ہے۔
5,000 بند اسکول دوبارہ فعال کیے جا چکے ہیں۔
اساتذہ کی قلت کا خاتمہ، اب ہر 35 بچوں پر ایک استاد دستیاب ہوگا۔
سرکاری اسکولوں میں 55 لاکھ طلبا زیر تعلیم ہیں۔
روزگار کی فراہمی:
حکومت سندھ کی جانب سے لاکھوں خاندانوں کو براہ راست روزگار فراہم کیا گیا۔
2100 افراد اقلیتی کوٹے اور 1330 خصوصی افراد کو بھی روزگار دیا گیا۔
یہ اعداد و شمار عوامی اعتماد کی ایک واضح علامت ہیں۔
محرم الحرام کے لیے سیکیورٹی پلان:
محرم الحرام کے موقع پر 49 ہزار سے زائد پولیس اہلکار امن و امان کی ذمہ داری نبھائیں گے۔
وزیراعلیٰ اور وزیر داخلہ سندھ کی قیادت میں علمائے کرام سے ملاقاتیں بھی ہو چکی ہیں تاکہ فرقہ وارانہ ہم آہنگی کو یقینی بنایا جا سکے۔
شہری سہولتوں میں بہتری:
سندھ کابینہ نے شہریوں پر بوجھ کم کرنے کے لیے پارکنگ فیس ختم کرنے کا فیصلہ کیا ہے۔
ٹریفک مسائل کے حل کے لیے مخصوص شاہراہوں پر چنگ چی رکشوں پر پابندی بھی مؤثر طریقے سے نافذ کی گئی ہے۔
فلاحی منصوبے اور احتساب:
سوشل سیکٹر اور انفرااسٹرکچر کی ترقی کو حکومت سندھ کی اولین ترجیح قرار دیا گیا ہے۔
جن علاقوں میں ترقیاتی فنڈز کا مؤثر استعمال ہوا، وہاں فوری ترقیاتی کام مکمل ہوئے ہیں۔
وزیر اطلاعات نے کہا کہ "جہاں بھی غلطیاں ہوئیں، وہاں احتساب ضرور ہوگا مگر سیاست نہیں۔”
