تل ابیب: اسرائیل کے وزیر دفاع اسرائیل کاٹز نے آج ایران کے حملے کے جواب میں سخت مؤقف اختیار کرتے ہوئے کہا ہے کہ وہ آیت اللّٰہ خامنہ ای سے بدلہ لیں گے۔
اپنے بیان میں اسرائیلی وزیر دفاع نے کہا کہ خامنہ ای بنکر میں بیٹھ کر عوام پر حملے کروا رہے ہیں اور ان کی حکومت کو تہس نہس کر دیا جائے گا۔ انہوں نے واضح کیا کہ تہران میں موجود خطرے کو ختم کرنے کے لیے حملوں میں شدت کی ہدایت کی گئی ہے۔
واضح رہے کہ ایران نے آج اسرائیل پر اب تک کا سب سے بڑا حملہ کیا، جس میں اسرائیلی میڈیا نے بڑے پیمانے پر تباہی کا اعتراف کیا ہے۔ غیرملکی میڈیا رپورٹس کے مطابق ایرانی میزائل حملوں میں متعدد افراد زخمی ہوئے ہیں۔
اس تنازعے نے خطے کی صورتحال کو مزید کشیدہ کر دیا ہے اور عالمی برادری کی طرف سے دونوں فریقین سے تحمل کا مظاہرہ کرنے کی اپیلیں کی جا رہی ہیں۔
یہ تازہ پیش رفت خطے میں کشیدگی میں اضافے کی نشاندہی کرتی ہے اور دونوں ملکوں کے درمیان ممکنہ تنازعے کے حوالے سے گہری تشویش کا باعث بنی ہوئی ہے۔
