وفاقی بجٹ 2025-26 پیش: معیشت کے استحکام اور عوامی ریلیف پر زور، ٹیکس میں نمایاں کمی، تنخواہوں اور پنشن میں اضافہ

115

اسلام آباد: وفاقی وزیر خزانہ محمد اورنگزیب نے قومی اسمبلی میں آئندہ مالی سال 2025-26 کا بجٹ پیش کر دیا، جس کا حجم 17 ہزار 573 ارب روپے ہے۔ اسپیکر ایاز صادق کی زیر صدارت اجلاس کا آغاز تلاوت قرآن پاک، نعت رسول مقبول ﷺ اور قومی ترانے سے ہوا۔

وزیر خزانہ نے اپنی تقریر میں اس بجٹ کو "غیر معمولی حالات میں پیش کیا گیا ایک قومی یکجہتی کا مظہر” قرار دیا اور کہا کہ بھارت کے خلاف قومی اتحاد ایک سنہری تاریخ بن چکا ہے۔ ان کا کہنا تھا کہ اب قوم کی توجہ معاشی استحکام اور ترقی کی جانب ہے، اور یہی بجٹ اسی وژن کی عکاسی کرتا ہے۔

سرکاری ملازمین اور عوام کے لیے بڑا ریلیف
بجٹ میں تنخواہ دار طبقے کو بڑا ریلیف دیا گیا ہے:

گریڈ 1 تا 16 کے ملازمین کے لیے 30 فیصد ڈسپیرٹی الاؤنس کی تجویز

سرکاری ملازمین کی تنخواہوں میں 10 فیصد اضافہ

پنشن میں 7 فیصد کے بجائے 10 فیصد اضافہ

انکم ٹیکس کی شرح میں واضح کمی:

6 سے 12 لاکھ روپے سالانہ آمدن والوں پر ٹیکس 5 فیصد سے کم کر کے 1 فیصد

12 لاکھ آمدن پر ٹیکس 30,000 سے گھٹا کر صرف 6,000 روپے

22 لاکھ آمدن پر ٹیکس 15 فیصد سے کم کر کے 11 فیصد

32 لاکھ آمدن پر ٹیکس 25 فیصد سے کم کر کے 23 فیصد

معاشی اہداف اور ترقیاتی وژن
وزیر خزانہ نے بتایا کہ:

معاشی شرح نمو (GDP Growth) کا ہدف 4.2 فیصد

مہنگائی کا ہدف 7.5 فیصد