اسلام آباد: وزارت خزانہ نے پیٹرولیم مصنوعات کی نئی قیمتوں کا نوٹیفکیشن جاری کردیا ہے، جس کے مطابق پیٹرول کی قیمت میں صرف 1 روپے فی لیٹر کا معمولی اضافہ کیا گیا ہے، جبکہ عوام کو ڈیزل کی قیمت میں کسی تبدیلی کا سامنا نہیں کرنا پڑے گا۔
نوٹیفکیشن کے مطابق پیٹرول کی نئی قیمت 1 روپے کے اضافے کے بعد 253 روپے 63 پیسے فی لیٹر مقرر کی گئی ہے۔ دوسری جانب ڈیزل کی قیمت بغیر کسی ردوبدل کے 254 روپے 64 پیسے فی لیٹر پر برقرار رکھی گئی ہے۔
نئی قیمتوں کا اطلاق آج رات 12 بجے سے ہوگا۔ وزارت خزانہ کے مطابق قیمتوں کا تعین عالمی منڈی میں تیل کی قیمتوں میں ہونے والی تبدیلیوں کے مطابق کیا گیا ہے۔
عوامی حلقوں میں اس بات کو سراہا جا رہا ہے کہ حکومت نے معاشی دباؤ کے باوجود ڈیزل کی قیمت کو مستحکم رکھا ہے، جو کہ زراعت، ٹرانسپورٹ اور صنعتوں کے لیے ایک مثبت پیش رفت ہے۔
