ٹینسی: امریکی ریاست ٹینسی کے اپر کمبر لینڈ ریجن میں ایک چھوٹا انجن والا طیارہ گر کر تباہ ہو گیا، جس کے نتیجے میں 3 افراد ہلاک ہو گئے۔
غیر ملکی خبر رساں ادارے کے مطابق، فیڈرل ایوی ایشن ایڈمنسٹریشن (FAA) نے بتایا کہ یہ چھوٹا طیارہ مونی ایم 20 ٹی این ایئرکرافٹ تھا، جو ایئرپورٹ کے ایک میل جنوب میں گر کر تباہ ہو گیا۔ حادثے میں طیارے میں سوار تمام 3 مسافر موقع پر ہلاک ہو گئے۔
اس واقعے کے بعد نیشنل ٹرانسپورٹیشن سیفٹی بورڈ (NTSB) اور فیڈرل ایوی ایشن ایڈمنسٹریشن نے تحقیقات شروع کر دی ہیں تاکہ طیارہ گرنے کی وجوہات کا تعین کیا جا سکے۔
ابتدائی طور پر یہ معلوم نہیں ہو سکا کہ طیارے میں کس قسم کی تکنیکی خرابی پیش آئی تھی یا حادثہ کس وجہ سے ہوا، تاہم ایوی ایشن حکام نے مکمل تحقیقات کا وعدہ کیا ہے۔
امریکی ایوی ایشن حکام نے واقعے کی تفصیلات کی تحقیقات جاری رکھنے کی تصدیق کی ہے اور ساتھ ہی ہلاک ہونے والے افراد کے لواحقین سے تعزیت کا اظہار کیا ہے۔
