وفاقی وزیر خارجہ اسحاق ڈار نے کہا ہے کہ انہیں یقین ہے کہ ہنگری جی ایس پی پلس کے لیے اپنی حمایت جاری رکھے گا۔
اسلام آباد میں اپنے ہنگری کے ہم منصب کے ساتھ مشترکہ پریس کانفرنس کرتے ہوئے اسحاق ڈار نے کہا کہ پاکستان کے دوسرے دورے پر آپ کو خوش آمدید کہتے ہوئے خوشی ہوئی۔
نائب وزیراعظم اسحاق ڈار کا کہنا ہے کہ دونوں ممالک کے درمیان دفاع، سائنس، ثقافت اور دیگر شعبوں میں باہمی شراکت داری اہم ہے، ہنگری پاکستان کا قابل اعتماد دوست رہا ہے۔
انہوں نے کہا کہ باہمی شراکت داری کو فروغ دینے اور علاقائی اور عالمی امور پر تفصیلی بات چیت ہوئی۔ پاکستان اور ہنگری کے درمیان تعاون بڑھ رہا ہے۔
تیسرے سیشن نے زراعت اور پانی کے انتظام میں ہنگری کے تجربے سے مستفید ہونے کا راستہ کھولا‘ وزیر خارجہ کا کہنا ہے کہ تھوڑی دیر قبل مفاہمت کی دو یادداشتوں اور ایک معاہدے پر دستخط ہوئے تھے۔ ہم نے انہیں فلسطین کے لیے اپنی حمایت اور افغانستان میں بڑھتی ہوئی دہشت گردی کے بارے میں اعتماد میں لیا۔
اس موقع پر ہنگری کے وزیر خارجہ نے کہا کہ وہ شاندار مہمان نوازی پر پاکستان کے شکر گزار ہیں اور پاکستان کے ساتھ تعلقات کو مزید مضبوط بنانے کے خواہاں ہیں۔ انہوں نے کہا کہ دونوں ممالک نے مختلف شعبوں میں مفاہمت کی یادداشتوں پر دستخط کیے۔
عالمی سیاسی معاملات پر دونوں ممالک کا موقف یکساں ہے اور ثقافت اور آثار قدیمہ کے شعبوں میں ایک دوسرے کے تجربات سے استفادہ کریں گے۔وزیر خارجہ کا کہنا ہے کہ افغان سرزمین سے دہشت گردی کے پھیلاؤ پر تشویش ہے، غیر قانونی تارکین وطن کے معاملے پر بھی تفصیلی بات چیت ہوئی۔
