جولائی یا اس سے پہلے بجلی کے بلوں میں مزید کمی کرنے پر کام جاری ہے، وزیرِ خزانہ

وفاقی وزیر خزانہ محمد اورنگزیب نے کہا ہے کہ جولائی یا اس سے پہلے بجلی کے بلوں میں مزید کمی پر کام جاری ہے۔

عوام کو ریلیف دینے کے حوالے سے وفاقی وزیر خزانہ محمد اورنگزیب نے کہا ہے کہ اگلے بجٹ میں تنخواہ دار طبقے کو ریلیف دینے کا پروگرام بنایا گیا ہے جس کی تفصیلات ابھی میڈیا کو نہیں بتا سکتے۔

وفاقی وزیر خزانہ محمد اورنگزیب نے کہا کہ تنخواہ دار طبقے کے لیے ریلیف کی تفصیلات آئی ایم ایف کے پاس لے جائیں گے۔ بجٹ کی تیاری کے لیے حکومت اور نجی شعبوں سے 98 فیصد تجاویز موصول ہوئی ہیں۔ حکومت اور نجی شعبہ بجٹ تجاویز پر مل کر کام کر رہے ہیں۔

محمد اورنگزیب نے کہا کہ جن تجاویز پر عملدرآمد نہ ہو سکا ان کی وجوہات متعلقہ شعبے کو بتائیں گے۔

اسمبلی میں بجٹ پیش کرنے سے قبل اسٹیک ہولڈرز کو آگاہ کیا جائے گا کہ کن تجاویز پر عمل کیا جا سکتا ہے۔

وزیر خزانہ نے کہا ہے کہ بجٹ اپنی حتمی شکل میں یکم جولائی کو نافذ ہو جائے گا۔ یکم جولائی کے بعد بجٹ میں کوئی تبدیلی نہیں ہوگی۔ جس کا مقصد بجٹ پر عملدرآمد کے لیے مزید وقت دینا ہے۔

انہوں نے کہا کہ وہ پر امید ہیں کہ آئی ایم ایف کا ایگزیکٹو بورڈ مئی میں سٹاف لیول کے معاہدے کی منظوری دے گا۔ انہوں نے کہا کہ آئی ایم ایف کی جانب سے دیئے گئے تمام اہداف پورے کر لیے گئے ہیں۔ وہ تسلیم کرتے ہیں کہ کچھ اہداف حاصل کرنے میں کچھ تاخیر ہوئی لیکن وہ پورے ہو گئے ہیں۔

وزیر خزانہ نے کہا کہ تاجروں سے ٹیکس وصولی میں بہتری آئی ہے، تاجر دوست اسکیم کو تاجروں سے ٹیکس وصولی سے منسلک نہیں کیا جانا چاہیے۔

ٹیکس پالیسی پالیسی اس کیلنڈر سال میں وزارتِ نصاب کے ماتحت کام شروع کر سکتا ہے۔محمد اورنگزیب نے کہا کہ ٹیکس دہندگان کے لیے ایسا فارم ترتیب دے رہے ہیں جو ہر فرد خود بھرتے ہیں۔